मुंबई, दि. ०४ : वर्सोवा विधानसभा मतदारसंघ-१६४ च्या निवडणूक निर्णय अधिकारी कार्यालयात निवडणूक निरीक्षक नरिंदर सिंग बाली यांनी क्षेत्रीय अधिकाऱ्यांच्या निवडणूक तयारीबाबत आढावा घेतला.
या बैठकीत निवडणूक निर्णय अधिकारी सुभाष काकडे, चंद्रकांत काटकर आणि सहायक पोलिस अधीक्षक यांच्यासह क्षेत्रीय अधिकारी उपस्थित होते.
मतदानाचे प्रमाण वाढविण्याबाबत सूचना
निवडणूक निरीक्षक श्री. बाली यांनी मतदानाचे प्रमाण वाढविण्यासाठी आवश्यक सूचना दिल्या. त्यांनी विविध निवडणूक केंद्रांवर भेट देऊन बूथ लेवल ऑफिसरना मतदारांना मतदान करण्यासाठी प्रोत्साहित करण्याबाबत मार्गदर्शन केले.
मतदारांशी संवाद साधला
निवडणूक निरीक्षक बाली यांनी आनंदनगर येथील नागरिकांना मतदान करण्याबाबत आवाहन केले. लोखंडवाला उद्यानात विद्यार्थ्यांना, त्यांच्या पालकांना आणि नातेवाइकांना मतदानासाठी प्रोत्साहित करण्याबाबत मार्गदर्शन केले.
०००