जिल्हा परिविक्षा अधिकारी संवर्गातील अधिकाऱ्यांच्या पदोन्नतीबाबत तातडीने कार्यवाही करावी – महिला व बालविकास मंत्री आदिती तटकरे
मुंबई,दि.८: जिल्हा परिविक्षा अधिकारी आणि या अनुषंगाने असलेल्या संवर्गातील अधिकाऱ्यांच्या पदोन्नतीबाबत विभागाने तातडीने कार्यवाही करण्याचे आदेश महिला व बालविकास मंत्री आदिती तटकरे यांनी दिले.
मंत्रालयातील दालनात महिला व बालविकास विभागातील जिल्हा परीविक्षा अधिकारी तसेच तत्सम संवर्गाच्या प्रश्नांबाबत आयोजित बैठकीत मंत्री कु. तटकरे बोलत होत्या. यावेळी महिला व बालविकास विभागाचे सचिव डॉ.अनुपकुमार यादव, शासकीय परीविक्षा अधिकारी संघटना, पुणेचे अध्यक्ष सी.एम.बोंडे, सचिव विवियन सिल्वर उपस्थित होते.
मंत्री कु. तटकरे म्हणाल्या की, जिल्हा परीविक्षा अधिकारी व तत्सम संवर्गातील अधिका-यांच्या पदोन्नतीबाबत सामान्य प्रशासन आणि महिला व बालविकास विभागांचा सर्व अभ्यास करावा. जेणेकरून यावर निर्णय घेता येणे शक्य होईल.विभागाने हे काम प्राधान्याने करावे, अशा सूचना मंत्री कु. तटकरे यांनी बैठकीत दिल्या.
००००
संध्या गरवारे/विसंअ