ठाणे, दि.28(जिमाका) :- मा. भारत निवडणूक आयोगाकडील निर्देशानुसार दि. ०१ जानेवारी, २०२४ या अर्हता दिनांकावर आधारित छायाचित्रासह मतदारयादीचा विशेष संक्षिप्त पुनरिक्षण कार्यक्रम घोषित करण्यात आलेला आहे. या कार्यक्रमामध्ये मा. भारत निवडणूक आयोगाने विशेष संक्षिप्त पुनरिक्षण कार्यक्रमांच्या तारखांमध्ये बदल करण्यात आलेला आहे.
विशेष संक्षिप्त पुनरिक्षण कार्यक्रम :-
1. एकत्रीकृत प्रारूप मतदार यादी प्रसिद्ध करणे -कालावधी -27 ऑक्टोबर (शुक्रवार).
2. दावे व हरकती स्विकारण्याचा कालावधी – दि.२७ ऑक्टोबर २०२३ (शुक्रवार) ते दि.०९ डिसेंबर २०२३
(शनिवार).
3. विशेष मोहिमांचा कालाधी – दि.०४ नोव्हेंबर २०२३ (पहिला शनिवार) व दि.०५ नोव्हेंबर २०२३ (पहिला
रविवार) तसेच दि. २५ नोव्हेंबर २०२३ (चौथा शनिवार) व दि. २६ नोव्हेंबर २०२३ (चौथा रविवार)
4. दावे व हरकती निकालात काढणे – कालावधी – दि. 26 डिसेंबर २०२३ (मंगळवार)
5. अंतिम प्रसिद्धी साठी आयोगाची परवानगी मागणे डाटाबेस अद्यावत करणे आणि पुरवणी – कालावधी –
दि.०१ जानेवारी २०२४ (सोमवार)
6. मतदारयादीची अंतिम प्रसिद्धी करणे- कालावधी- ०५ जानेवारी २०२४ (शुक्रवार)
एकत्रिकृत प्रारूप मतदार यादी प्रसिद्ध करण्याबाबत मा. भारत निवडणूक आयोगाच्या सूचनेनुसार ठाणे जिल्हयात दि.२७ ऑक्टोबर २०२३ रोजी ठाणे जिल्ह्यातील १८ विधानसभा मतदारसंघाची एकत्रिकृत प्रारूप मतदारयादी जिल्हाधिकारी व जिल्हा निवडणूक अधिकारी यांचे कार्यालय, संबंधित मतदार नोंदणी अधिकारी यांचे मध्यवर्ती कार्यालय (CPS), सहायक मतदार नोंदणी अधिकारी यांचे कार्यालय तसेच सर्व मतदान केंद्रावर मतदान केंद्रस्तरीय अधिकारी यांच्यामार्फत प्रसिद्ध केली जाणार आहे.
ठाणे जिल्ह्यातील मतदारयादी मधील मा.भारत निवडणूक निश्चित करण्यात आलेली वैशिष्ट्ये :-
ठाणे जिल्ह्यातील मतदारयादीमध्ये दि. ५ जानेवारी, २०२३ ते दि. २७ ऑक्टोबर, २०२३ दरम्यान एकूण १ लाख २९ हजार ३७२ इतक्या मतदारांची वाढ झालेली आहे. यामध्ये पुरूष – ६५ हजार ६७२, स्त्री – ६३ हजार ६८१ व इतर १९ इतकी वाढ झालेली असून दि. २७ ऑक्टोबर २०२३ रोजी पुरूष – ३४ लाख ३२ हजार ७९२, स्त्री- २९ लाख १० हजार, इतर- १ हजार ९७ अशी एकूण मतदारांची संख्या ६३ लाख ४३ हजार ८८९ इतकी आहे.
मतदान केंद्रांच्या सुसूत्रीकरणादरम्यान १३३ मतदान केंद्र नव्याने तयार करण्यात आलेले असून त्यामध्ये ३६ मतदान केंद्र ही गृहनिर्माण सोयायटी मधील क्लब हाऊस हॉल मध्ये घेण्यात आलेली आहेत.
जिल्ह्यातील महिलांचे प्रमाण (Gender Ratio) यामध्ये एकूण ३ ने वाढ झालेली आहे. दि.०५ जानेवारी, २०२३ रोजी महिलांचे प्रमाण (Gender Ratio) – ८४५ होते. दि. २७ ऑक्टोबर २०२३ रोजी महिलांचे प्रमाण (Gender Ratio) – ८४८ इतका झालेला आहे.
जिल्ह्यातील लोकसंख्येच्या प्रमाणात मतदार नोंदणीचे गुणोत्तर (EP Ratio) ६५.४०% इतके झाले आहे. जिल्ह्यातील १८-१९ वयोगटातील मतदारांमध्ये एकूण २९ हजार १२४ इतकी वाढ झालेली आहे. दि.२७ ऑक्टोबर, २०२३ रोजी – १८-१९ वयोगटातील एकूण मतदार ७५ हजार २२३ इतके आहेत.
दिव्यांग मतदार नोंदणी मध्ये एकूण – १ हजार २०६ इतकी वाढ झालेली आहे. आज रोजी जिल्ह्यात एकूण – ३३ हजार ३३८ इतके दिव्यांग मतदार आहेत.
जिल्ह्यात एकूण १२ हजार ५७२ देह विक्रय करणाऱ्या महिला (FSW) मतदारांची मतदार नोंदणी करण्यात आलेली आहे.
तसेच ४ हजार ३३१ इतक्या असंरक्षित आदिवासी गटातील (PVTG) मतदारांची नोंदणी करण्यात आलेली आहे.
दि.०६ जानेवारी, २०२३ पासून ते २७ ऑक्टोबर २०२३ एकत्रिकृत प्रारूप यादी प्रसिद्ध होईपर्यंत ठाणे जिल्ह्यात एकूण १लाख ७६ हजार २४० इतके नमुना अर्ज – ६,७ व ८ एकत्रितरित्या प्राप्त झाले.
मा. भारत निवडणूक आयोगाच्या निर्देशाप्रमाणे घरोघरी भेटी देवून मतदारांच्या पडताळणी दरम्यान ठाणे जिल्ह्यातील अंदाजे १५ लाख १६ हजार ८५३ इतक्या घरांना मतदान केंद्रस्तरीय अधिकारी यांच्यामार्फत भेटी देण्यात आलेल्या आहे. या भेटीदरम्यान एकूण मयत मतदार – ४७ हजार ७०९ व एकूण कायमस्वरूपी स्थलांतरित मतदार ४७ हजार ९३३ असल्याचे आढळून आलेले आहेत. या मयत व कायस्वरूपी स्थलांतरित मतदारांबाबत सध्या सुरू असलेल्या विशेष संक्षिप्त पुनरिक्षण कार्यक्रमादरम्यान मा. भारत निवडणूक आयोगाच्या दि. ११ ऑगस्ट २०२३ रोजीच्या पत्रात दिलेल्या निर्देशाचे पालन करून वगळणी करण्यात येणार आहे.
आगामी निवडणूकीच्या पार्श्वभूमीवर या विशेष संक्षिप्त पुनरिक्षण कार्यक्रमामध्ये १) १८-१९ वयोगटातील मतदारांची नोंदणी, २) लक्षित घटकांची (तृतीय पंथी, FSW, PVTG, बेघर, दिव्यांग मतदार) मतदार नोंदणी, ३) महिला मतदारांची नोंदणी विशेष करून भिवंडी व ऐरोली विधानसभा मतदारसंघामध्ये व इतर सर्व मतदारसंघामध्ये मतदार नोंदणीसाठी विशेष शिबिरे घेण्याचे नियोजन करण्यात आले आहे.
जिल्हाधिकारी व जिल्हा निवडणूक अधिकारी श्री. अशोक शिनगारे व उप जिल्हा निवडणूक अधिकारी अर्चना कदम यांनी सर्व मतदारांना आवाहन केले आहे की, आगामी लोकसभा सार्वत्रिक निवडणूक २०२४ पूर्वीच्या या विशेष संक्षिप्त पुनरिक्षण कार्यक्रमामध्ये सर्वांनी सक्रिय सहभाग नोंदवून जास्तीत जास्त पात्र मतदारांची नोंदणी करून घ्यावी.
000000000